فهموا بس شنو البحرين ؟
البحرين
لو بس ندري ش البحرين
هالبحرين في الدنيا
مثل أي طير
ما يقدر يصل عالي بلا جناحين
البحرين من نطت على التربه
لها والله
جسد واحد وله قلبين
هالبحرين عين القلب وقلب العين
هالبحرين في العالم جزيرة حب
ومن طبع الجزر مفتوحه للزرقه
وما اظن البياض اللي رفعها ف يوم
بيفرق ما بين اثنين
هالبحرين، حسوا بها،
وشموها، ولمسوها
ودشوا من ورا المعنى
وشوفوها بحر يحضن بحر
لما البحر يطلع على الدنيا يصير اثنين
هالبحرين في قلبي
أحس بها سفينة نوح
تحمل في خلاياها
من احلام الفضا زوجين
ما احتاج تسألني ولا أسأل
كل أزمه ولو طالت مردها تنتهي بالحل
كل شي ينتهي ويمضي
وما يبقى بعدنا إلا هوى البحرين
(2011)